Një përvojë praktike dhe reflektuese për të rinjtë 13+, ku inteligjenca artificiale u trajtua si mjet për të krijuar, eksperimentuar dhe zgjidhur probleme reale.
Katër ditë të mbushura me ide, diskutime, testime dhe krijim konkret sollën një përvojë të pasur mësimore për të rinjtë në workshop-in “E ARDHMJA ËSHTË TANI: HYRJE NË INTELIGJENCËN ARTIFICIALE”. Nga njohja me konceptet bazë të AI deri te zbatimi i tyre në projekte praktike, pjesëmarrësit patën mundësi ta përjetojnë teknologjinë jo vetëm si temë për t’u mësuar, por si mjet për të krijuar, eksperimentuar dhe zgjidhur probleme reale.
Gjatë workshop-it, puna e realizuar tregoi qartë se të rinjtë arritën ta lidhin inteligjencën artificiale me ide konkrete dhe me nevoja të përditshme. Përmes Teachable Machine, ata zhvilluan projekte si riciklimi i mbetjeve, identifikimi i organeve të njeriut, identifikimi i ngjyrave për personat me daltonizëm dhe një ide të lidhur me sigurinë brenda objektit.
Në anën tjetër, përmes prompt engineering, nxënësit punuan në ide që lidhen drejtpërdrejt me të nxënit, si të mësuarit e fizikës me ndihmën e AI dhe krijimi i një modeli për përvetësimin e temave nga nxënësit.
Provoje modelin direkt me kamerë.
Model demonstrues për klasifikim me kamerë.
Përdorim i AI për identifikim të ngjyrave.
Ide e lidhur me përdorimin e AI për siguri në hapësira të brendshme.